2012冬10天hea遊北海道~day 3雪場(中)

shuttle bus送我地到Resort Centre，這楝便是。

睇到無？雪場的積雪成呎厚！

一入門口，便看見資訊牌，原來今日-9度，可能太陽弟弟出來了，唔覺咁凍。

有間滑雪用品專賣店。

我們打算滑雪，想租借裝備，但睇來睇去，這裏只搵到賣吊椅券的票務處，唔似我地要搵的地方。

大風到纜車要停駛。

等依班型男索女買完飛，我地先可以查詢。
幸而在手機儲存了資料，不過是中文版，個叔叔好醒目，佢一睇到個價錢，就知我地要乜，
話租借用品的地方在另一座「yellow building」。

「Yellow building」並不太遠，這天又好陽光，我們一邊談笑一邊行過去。

行了不久，便看見前面黃色的建築物（樹後面中間位置）。

原來這座是度假村地圖上的Mountain House。

我地租借全套裝備，包括ski、雪褸、雪褲、眼罩，費用6400日圓/5小時。

畀完錢，需填一份表格，如名字、年齡、身高、體重、腳板長度等。

穿上雪褲，職員幫忙穿鞋，這對鐵甲萬能俠鞋著得非常辛苦，又重又逼又夾腳，行路都不能挺直身。



新新手雪場貼士：
・記住自備防水手套（不要冷織果種）。
・最好穿貼薄長褲，方便即時套上雪褲，而褲腳又可攝入鐵甲萬能俠鞋裏面。
・滑雪時可除掉羽絨，因為會熱到成身汗，有雪褸已足夠。若似我咁怕凍，裏面穿多件薄的抓毛外套即可。
・記得塗防曬用品。
・雪場溫度低，相機袋內不妨放暖包替相機保暖。

提供locker放置個人物品。

使用locker要畀100日圓，先入錢，後關門上鎖。

別看照片以為風和日麗，其實每隔幾分鐘，就有一陣強風吹過。

package包1泊2食，並有1張Minamina Beach入場券或纜車券，我們考慮到即使搭左纜車上山，都無能力滑番落嚟，
所以昨日去了Minamina Beach浸水。

為防跌c，出發前在香港上過一堂滑雪體驗班。好彩有上堂，否則連上ski都唔識，起碼依家識得點樣打斜行路。
在一段較平的雪道，成功滑出一小段路，亦成功以八字腳煞停，不過風太大，未站穩已被風吹郁，
除了要應付雪地，還需和烈風搏鬥，一陣強風吹來，我們失控地向前衝，最後雙雙倒地，花了很多時間才站番起。
如是者，人未站好，風又即至，最搞笑是其中一次，我穿了一邊ski，另一邊還未穿上，風已將我向前吹，單腳ski呢！

雪場的雪又白又軟又厚，我們忍唔住玩了人肉轆雪地。
首先由我瞓身演出，可以一次過轆幾個圈。
這身滑雪裝備防水防雪，轆得特別爽快俐落，而且不怕沾到成身雪。

完成。

之後輪到小水番，轆得都唔錯。

藍天白雲。

雖然好想繼續滑雪，但考慮到已非十八廿二，加上還有七日行程等住我地，忍痛決定放棄。（唔覺唔覺都玩左個幾鐘）
好奇怪，剛才行去Mountain House租借還好哋哋，這次拎住ski回去，每一步都陷入雪中，仲係深到去大髀果種，
有兩位工程人員可能見我們太論盡，主動幫忙拿ski（佢地是工程人員而非工作人員，毋須服務客人架）。
他們一個是大連人，一個是來學日語的新加坡人，十分感謝你倆幫了我們一把。

除掉滑雪裝束，身體即時靈活晒。返回Resort Centre，在自助快餐形式的Tomamu食堂吃lunch。

睇格局以為食物水準好普通，其實原來好好味，價錢亦唔算貴（記住這裏屬酒店範圍）。

餐廳採自助形式，先拎食物後付款。

我極愛日式咖喱，不作第二選擇，這裏還可選擇添加其他配料。

自選飲品　250日圓一杯，不能添飲。

蝦天婦羅甘味咖喱飯，賣相已很吸引，味道仲好good。　　1450日圓(可樂250日圓，共1700日圓)

 小水番的午餐。

在女洗手間赫然看見一張大BB床，睇真D，其實是讓成身滑雪裝備人士坐的椅子。

雖然滑雪不成功，我們仍帶著滿足的心情離去，返回The Tower。

補充資料

Day 1~新千歲機場，JR外籍旅客服務處 ，Hotel Gracery(上)、(下)，札幌慕尼黑聖誕巿集，狸小路，根室花
Day 2~Tomamu(上)、(下)，Minamina Beach，Hal+水之教堂
Day 3~Tomamu雪場(上)、(中)、(下)，札幌味の時計台+ESTA
Day 4~函館，Smile Hotel，金森倉庫，函館山纜車失望而回
Day 5~函館朝巿(上)、(下) ，五稜郭塔，札幌nana's green tea
Day 6~往旭川出發，旭山動物園(上)、(下)，札幌雪華亭
Day 7~場外巿場，搭地鐵，白色戀人公園(上)、(下)，小樽Hotel Sonia II，政壽司
Day 8~小樽三角巿場，都通り，堺町通り(上)、(下)，小樽運河，宏樂園(上)、(下)
Day 9~宏樂園早餐，Pole Town地下街(上)、(下)，JR Tower
Day 10~Rera，新千歲機場+多拉A夢空中樂園，機場購物區+多拉A夢餐廳