永安三間房package：$2277(二人)+$3164(三人)+$2277(二人)，合共$7718。包高鐵票、雙人房和動物園入場卷。
明星雙人房：$1320，包雙人房和動物園入場卷。
高鐵二人來回票：去程二等$218二張+回程一等$377二張，合共$1190
保險：$1040（3個小朋友免收）
全數$11268
永安package
因為證件問題，分開兩批買高鐵、酒店和動物園入場卷。第一批，用永安app購買，好方便，佢哋啲套票資料更新最快。app內可以揀高鐵來回程時間、住長隆酒店或廣州長隆熊貓酒店，二人房亦可揀長隆野生動物世界門券兩張或三張（需加錢）。如果跟酒店買，可以兩日入場，纜車、4D影院和入場時可行快捷通道。有職員把關，需出示酒店房張紙仔。
用app仲可以用promo code(MP720、MP790)，每張單減免$100。會收到sms，畀番訂單編號，如果成功，臨出發前就收到e-mail，有取高鐵飛的訂單編號，仲有Hotel Voucher，建議兩樣都print出嚟。我哋今次住熊貓酒店的帥帥房，最後酒店upgrade了酷酷房。
帥帥房
酷酷房
要留意一點，如果訂超過一間房，最好同旅行社講番，否則職員唔知你哋係一齊，可能會把高鐵飛分開搞，我今次訂咗三間房，分咗三張單，回程班車比較full，職員將我哋分開兩班車走，我話唔得呀，有大有細唔可以分開走，最後終於將我們改番同一班車走，不過唔同車卡。
在大陸，100cm以上要購兒童票，150cm以上要購成人票。長隆對高度要求幾嚴謹，無得搏大霧。
Package無包早餐，check in時職員話有優惠，大人100人仔一位，於是我哋加了800人仔食早餐。
明星訂房
額外訂一間房，過程順利，但去到熊貓酒店，職員搵了好耐先搵到訂房資料，唔知點解。
高鐵票
出發日子前一個月才有飛出售，復活節飛被瘋搶，好彩我哋大部份飛經永安買。另欠兩張飛，永安、中旅、klook都無二等飛，最後我在高鐵網站買一等飛，每張飛貴多一百二十幾蚊。
經過今次經驗，旺季不要在klook訂高鐵票，畀晒錢，email通知我回程無二等飛，我話一等都要，點知職員話費用有差額，無得轉，又無得補差額，就係咁，要成張訂單取消，連去程都訂唔到。
亦唔建議去中旅訂，十分多人，要等好耐，同埋買飛要出示所有人的回鄉證，其他旅行社只需回鄉證號碼就得。
在高鐵網頁訂原來最方便，一訂就成功。之後會收到email，出發時到自助取票機，以訂單編號和密碼取票。
120cm以下小童免費乘搭。
乘客不能拎太大的旅行喼，24吋以內。可以帶水。
記得高鐵票不要掉，上車有可能查票，仲要用嚟出閘。
電話咭
在鴨記買電話咭，$35，即插即用。
只需$35
記得要開啟數據漫遊。
插頭
大陸用兩腳插頭。
熊貓酒店都有三個插頭，仲有usb頭。
出發前，可下載高德地圖。另外用大眾點評搵食肆。
番禺長隆小資料
在長隆主要住三間酒店，廣州長隆酒店、廣州熊貓酒店和廣州長隆香江酒店（記得不要睇錯番禺香江大酒店），熊貓和香江啲房好可愛，長隆酒店最高級。
套票最抵一定是淘寶，好多套餐，不過要有國內證件，港人用唔到。同事話飛豬可以，但我唔敢博。酒店官網訂房平過香港，但我無法用信用咭付款，逼住用永安app。
動物世界不能攜帶食物，只能帶一支水，有安檢檢查包包，尚算寛鬆，循例睇睇。園內餐廳貴夾唔好味。
廁所好乾淨，抵讚。
園內可租借BB車和輪椅，BB車租金100人仔、200按金，輪椅50人仔、200按金。可在南或北門租車和還車。
在依度租BB車。
門外可存放行李，大件30人仔、細件20人仔。
在動物園的快速通道，纜車先有作用，方便啲。4D影院限每場只有150個房客進入，其實同迪士尼一樣，入門口後，仲要再排隊，然後一齊衝入去搵位。感覺上正常隊比房客隊更早入到去。而動物園門口的快速通道，完全無料到。
用依張紙仔排快捷通道。
動物園門口的VIP通道，目測比正常隊更慢。
4D影院的快捷通道入口。
快捷通道的房客，十分多人。
正常隊好像更少人，目測他們亦比較快可以進場。
纜車有少少作用，左邊是快捷通道，真係快咗。
熊貓酒店除了自助餐廳，還有美食小鎮，不便宜，但味道好過動物園。
包車
因為有老有嫩，高鐵去酒店需坐一程的士，分開三架車很不方便，於是找了包車。洋蔥提供七人車，飛飛有十二人車，高鐵到酒店收費160人仔，酒店到祈福繽紛世界收120人仔。透過微信聯絡。
由於落大雨，曾緊急call車由動物園返酒店，可能太緊急，結果找來兩架七人車，每架收70人仔，路程很短的，的士收30人仔，但落雨無法，只想快快返酒店。
飛飛的微信
洋蔥的微信
飛飛的十二人車。
如果唔包車，出高鐵後，可在廣州南站H出口往地鐵，搭七號線去漢溪長隆站，四個站約十分鐘，轉長隆的shuttle bus。
支付寶或wechat pay hk
聽說大陸用晒支付寶或wechat pay，我們很擔心畀唔到錢，特登申請wechat pay hk，其他人去過亦話畀到錢。原來大陸仲可使用現金，全程都是畀現金。
沒有留言:
張貼留言