2019番禺長隆動物園Day 1

2019.04.21星期日復活節
因為想試新嘢，所以揀了搭高鐵去長隆，發覺真心不方便。要提早去拎飛，又要提前入閘過關，到達廣州南站時要轉多一程車去酒店，比坐直通車更花時間。

我們是到柯士甸站往西九龍，十分快捷，沿C出口行兩三分鐘就到，途中有很清晰的指示。一到達，右邊是一列自助取票機，很少人。左邊方面是人手取票櫃台，同樣無乜人，當時我們提早兩小時到，心想：被搵笨了，早知唔咁早嚟到！

無論去櫃台還是取票機，都必須出示回鄕咭正本，記得一次過拎來回程，大陸取不到票的。如在12306購票，便要到指定櫃位取。人手櫃台亦可取到高鐵網站訂購的票。由於無乜人，好快便定車票。最緊要望望日期、班次和是不是自己資料，車票右上角有檢票口號碼，一般要提前45分鐘入閘，預備一地兩檢。依張車票，要好好保存直至去到目的地，出晒閘先好掉，因為期間不時用到。

一到柯士甸站，便有不少指示去高鐵的標記，不會行錯。

幾分鐘後，便到西九龍站。

去番禺長隆動物園事前篇

一行十一人，八大三小，兩日一夜。

永安三間房package：$2277(二人)+$3164(三人)+$2277(二人)，合共$7718。包高鐵票、雙人房和動物園入場卷。
明星雙人房：$1320，包雙人房和動物園入場卷。
高鐵二人來回票：去程二等$218二張+回程一等$377二張，合共$1190
保險：$1040（3個小朋友免收）
全數$11268

永安package
因為證件問題，分開兩批買高鐵、酒店和動物園入場卷。第一批，用永安app購買，好方便，佢哋啲套票資料更新最快。app內可以揀高鐵來回程時間、住長隆酒店或廣州長隆熊貓酒店，二人房亦可揀長隆野生動物世界門券兩張或三張（需加錢）。如果跟酒店買，可以兩日入場，纜車、4D影院和入場時可行快捷通道。有職員把關，需出示酒店房張紙仔。

用app仲可以用promo code(MP720、MP790)，每張單減免$100。會收到sms，畀番訂單編號，如果成功，臨出發前就收到e-mail，有取高鐵飛的訂單編號，仲有Hotel Voucher，建議兩樣都print出嚟。我哋今次住熊貓酒店的帥帥房，最後酒店upgrade了酷酷房。

帥帥房

酷酷房